ಗೂಡು ಮರೆಯುವ ಮುನ್ನ
ನಳನಳಿಸಿದ ವನದಲಿ ಲೀಲಾಜಾಲ
ಪಾದಗಳೋಡಿದ ನದಗಳ ಬೀಡಿಗೆ
ಜುಳು ಜುಳು ನದಿಗಳ ಸರಸದ ವೇಗಕ್ಕೆ
ತುಂಬಿದೆ ಉತ್ಸದ ಕಂಪು .
ಹಕ್ಕಿ ಗೂಡಲ್ಲಿ ಇಲ್ಲ, ಪ್ರತಿ ವರುಷ ಕೇವಲ
ದಿನದ ನೆಪ ಮಾತ್ರ ಹಾರಾಲಾಗದೆ
ದೃಷ್ಟಿ ಕ್ಷೀಣವೋ ಮರೆವ ರೋಗವೋ
ಹಿಡಿಯ ತುಂಬದ ನೆನಪುಗಳು ಜಾರಿದ್ದವು !
ಹೊಸ ಮಣ್ಣು ತಂದು
ತೇಪೆ ಹಾಕಿದೆ ಗೂಡಿಗೆ ಇಂದು !
ಸುಣ್ಣ ಬಳಿದು ಶುದ್ಧ ಮಾಡಿದೆ
ಹಕ್ಕಿ ಮಾತ್ರ ಗೂಡಿಗೆ ಬಂದಿಲ್ಲ
ನಳ ನಳಿಸುವ ಉತ್ಸವ ಸಂಭ್ರಮ ಅದಕ್ಕಿಲ್ಲ
ಗೂಡು ಮರೆತಾಗಿದೆ ಹಕ್ಕಿ........
ಬಳಿದ ಸುಣ್ಣ ಮಂಕಾಗಿದೆ
ತಾಯ ಕಣ್ಣೀರಲಿ ಕದಡಿ ಹರಿದಿದೆ !
-ಅಕುವ
No comments:
Post a Comment