ಟ್ಯಾಲಿ
ವಾಲಿ ನಿಂತ ಮೊನಿಟರೊಳಗೆ
ತಾಳೆ ಲೆಕ್ಕದ ಟ್ಯಾಲಿ !
ಗುಂಡಿ ಒತ್ತಲು ಕೂಡಿಸಿ ಕಳೆದು
ಮೊತ್ತ ಮಾಡಿ
ಬ್ಯಾಲನ್ಸು ಕನ್ಫರ್ಮ್ ಆದಾಗ
ನಗೆಯು ಮೆಲ್ಲ ಮೊಗದಲಿ
ಅಲ್ಲಿ ಇಲ್ಲಿ ಅಂಟಿಸಿದ
ಸೂಚನೆ ಚೀಟಿಗಳು
ಮರೆವ ರೋಗದ
ಗುಳಿಗೆಗಳು !
ನಡುವೆ ಬಡಿದು ಕೊಳ್ಳುವ ಪೋನು
ಮಡದಿ ಇರಬೇಕು
ಮತ್ತೆ ತಲೆ ತುರಿಕೆ !
ಬಣ್ಣದ ಪೆನ್ನು ಗೀಚಿದ ಬಿಳಿ ಹಾಳೆ !
ವೇಗದಿ ಓಡುವ ದಿನಗಳ ಲೆಕ್ಕಕೆ
ಪಕ್ಕದ್ದಲ್ಲೇ ಕ್ಯಾಲೆಂಡರ್
ಪ್ರಾಯ ಓಡಿದುದೆ ತಿಳಿಯಲಿಲ್ಲ !
-ಅಕುವ
೨೯/೦೭/೨೦೧೧
No comments:
Post a Comment