ಶೋಕ ದೀಪ

 ಶೋಕ ದೀಪ

ಉತ್ತರ ದಕ್ಷಿಣ ಮಲಗಿಸಿ ನೆತ್ತಿ ಮೇಲೆ
ಹಚ್ಚಿಬಿಟ್ಟು ಎಣ್ಣೆಹಾಕಿ ಮೌನಧರಿಸಿ
ನೀವು ಮುಳುಗಲು ದು:ಖದಿ
ನಾ ಮಾಡಿದ ಪಾಪವಾದರೇನು ?

ಯಾವುದಕ್ಕಾದರೂ ಹಚ್ಚಿ ನಾ
ಬೆಳಕು ನಿಮಗೆ ಕೊಟ್ಟು
ಕತ್ತಲು ಎನ್ನಡಿಯಲಿ ಬಚ್ಚಿಡುವೆ
ನಿಮ್ಮ ಶೋಕದೊಳ್ ಎನ್ನ ದೋಷವೇನು ?

ಕತ್ತೆತ್ತಿ ನಾ ಬದುಕುವೆ
ಎನ್ನ ಉರಿಸುತ ಬೆಳಕ ಚೆಲ್ಲುವೆ
ನಂದಿ ಹೋದರೂ ಗಾಳಿಬೀಸಿ
ಶಕುನದ ಲೆಕ್ಕ ನಾನೆಲ್ಲಿ ಅರಿವೆನು ?

ಎನ್ನ ಕರೆಯದಿರಿ ಶೋಕದೀಪ
ನಾ ಭಾಗಿಯಿಲ್ಲ ಯಾರ ಸಾವಲ್ಲಿ
ನಾನರಿವೆ ಒಂದೆ !
ಕಿಲಕಿಲನೆ ನಗುವೆ ಹಚ್ಚಿದವರ ಮುಂದೆ !
                                       - ಅಕುವ
೨೨/೧೦/೨೦೧೦