ಮರಳಿ...ಗೂಡಿಗೆ?
ಮಣ್ಣೊಳಗೆ ಬೆರೆತು ಮೊಳಕೆ
ಬಿರಿಯಲು ನೆಲವ ಅಪ್ಪಿಹಿಡಿಯುತ
ತನ್ನನ್ನೇ ಕಳೆದು ಕೊಳ್ಳುವ ಪರಿ
ಸಿಟಿಲೊಡೆದ ಹಸುಳೆ ಮೊಗ್ಗು
ಬೇರು ಹೊಕ್ಕುತಿದೆ ಮರಳಿಮಣ್ಣಿಗೆ
ಬಳ್ಳಿ ಸವರಿದೆ ಗಿಡ ಮರವಾಗಿದೆ
ಉಡಿ ತುಂಬಿ ತಳಿರೆಲೆ ಹಾಯಾಗಿದೆ
ಹೂಬಿಟ್ಟು ಕಾಯಾಗಿ ನೆಲಕೆ ಉದುರಿದೆ
ಮಣ್ಣ ಸೇರಿ ಮತ್ತೆ ಬೆರೆತು ಮೊಳಕೆ
ಬೀಸುಗಾಳಿ ಮಳೆಯು ಸೇರಿ ಗಿಡ ತೂಗಿದೆ
ಮಾಂಸರಕ್ತ ಸೇರಿ ಮಗುವಾಗಿದೆ
ಅಪ್ಪನಅಕ್ಕರೆ ಅಮ್ಮನಪೋಷಣೆ
ಮಗ ಬಿರಿದಾಗಿದೆ ಮನಸ್ಸು ಕಿರಿದಾಗಿದೆ
ಹಿಡಿತ ಸಡಿಲಾಗಿದೆ ನೆಲವ ಬಿಟ್ಟಾಗಿದೆ
ಮರಳಿ ಪಡೆಯುವುದೇ ಕಷ್ಟವಾಗಿದೆ
ಬೀಸುಗಾಳಿಯಲ್ಲೂ ಅವನಿಲ್ಲ..ಹಾರಿಯಾಗಿದೆ
ಹಣ್ಣೆಲೆ ಉದುರಿದೆ ಕಣ್ಣು ಕಾಯುತಿದೆ..
ಬರುವನೆಂದು ಮರಳಿಗೂಡಿಗೆ....
-ಅಕುವ
೨೨/೦೮/೨೦೧೧
No comments:
Post a Comment