ನೀನಿಲ್ಲದೆಯೇ ನನ್ನೊಳಗೆ!
ಶಿಶಿರದ ಬೀಸು ಚಳಿಗಾಳಿಗೆ
ನಿನ್ನಪ್ಪುಗೆಯ ಬಿಸಿ ನೆನಪ
ಹೊದ್ದು ಬಿಚುತ್ತಿದ್ದೆ ಕನಸ!
ಹಸೆಮಣೆಯೀರಿದ ಕ್ಷಣದಿಂದ
ತವಕ ತಳಮಳದ ಮನಸು
ಇನ್ನೂ ಹಸಿ ನೀನಿಟ್ಟ ಮುತ್ತು!
ಮಾತಿಲ್ಲ ಕತೆಯಿಲ್ಲ ಮೌನವೇ ಅಲ್ಲಿ
ಎರೆದೆ ಧಾರೆ ನಿನಗೆ ಸಕಲವನೂ
ಮಿಲನ ಸಂತಸದಿ ಎಲ್ಲ ಮರೆತು!
ಮಾತಿನ್ನೂ ಮುಗಿದಿಲ್ಲ ಸವಿಯೊಳಗೆ,
ಪಯಣವದು ಗಡಿ ರಕ್ಷೆಯ ಕರೆ,
ಮಣ ಭಾರದ ಮನಸು ದೇಶ ಕಾಯಲು!
ಶರಣೆಂದೆ ನಿನ್ನಪ್ಪುಗೆಯಿಲ್ಲದ ರಾತ್ರಿ
ಬಲುದೂರ, ಕಹಿ, ನೀನಿಲ್ಲದ ನಿದ್ದೆ
ಉಳಿವಿಲ್ಲ ನೀನಿಲ್ಲದೆಯೇ ನನ್ನೊಳಗೆ!
-ಅಕುವ
No comments:
Post a Comment