ದಾನಿಗಳೇ ...
ಬರಿಗೈಯಲ್ಲಿ ಕಳುಹಿಸಲಾಗದ ನನ್ನ
ಸಮಾಜದ ಓಹೋ ದಾನಿಗಳೇ
ದೇವರ ಹೆಸರಲಿ ಹೇಸದೆ ಕೊಡುವಿರಿ
ಸಾರ್ಥಕತೆಯ ಪಡೆಯದೇ ಇನ್ನೂ ಮಂಕಾಗಿರುವಿರಿ
ದಟ್ಟನೆ ಸಭೆಯಲಿ ದಾನಿಯೆಂದು ಕರೆದು ಕೊಂಬಿರಿ
ಮತ್ತೆ ನಿನ್ನಲೇ ಕೇಳಿಕೋ ನೀ ದಾನಿಯೇ?
ನನ್ನೂರಿನ ರಸ್ತೆಗಳುದ್ದ ಸ್ಮಾರಕ ತಂಗುದಾಣಗಳು
ಎದ್ದು ಕಾಣುವ ದೇವಾಲಯ ಸ್ವಾಗತ ಗೋಪುರಗಳು
ರಸ್ತೆ ಗಳಿಗೆ ಸ್ಮಾರಕ ಫಲಕಗಳು
ಜೀವಿತ ವಿಲ್ಲದ್ದ್ದಕ್ಕೆ ನಮ್ಮ ಸತ್ತ ನೆನಕೆಗಳು !!
ಹಳೆಗುಡಿ ದೇಗುಲಕ್ಕೆ ನವೀಕರಣದ ಹೊದಿಕೆ
ಸುರಿದಿದ್ದು ಕೋಟಿಗಳು
ನೆವನ ಮಾತ್ರ ಮುಕ್ಕೋಟಿ ದೇವತೆಗಳು
ಸುಲಿದದ್ದು ನನ್ನ ಸಮಾಜದ ದಾನಿಗಳು !!
ಕಾಣದ ದೇವರಿಗೆ ಮುಗಿ ಬೀಳುವಿರಿ
ಧರ್ಮದ ಹೆಸರಲ್ಲಿ ಸುಮ್ಮನೆ ಸುರಿವಿರಿ
ವಿದ್ಯೆಯೆಂಬ ಧರ್ಮಕ್ಕೆ ಮೋರೆ ಹೋಗಿ
ಮಾನವ ಜೀವಿಗಳಿಗೆ ಆಸರೆಯಾಗಿ
ದಾನಿಗಳ ಶ್ರಮ ಪೋಲಾಗದಿರಲಿ
ನನ್ನ ಹಾರೈಕೆಗೆ ಸೋಲಾಗದಿರಲಿ
ಓಹೋ ನನ್ನ ಸಮಾಜದ ದಾನಿಗಳೇ
ಇನ್ನಾದಾರೂ ಎಚ್ಹೆತ್ತು ಕೊಳ್ಳಿ !!
- ಅಶೋಕ್ ಕುಮಾರ್ ವಳದೂರ್ (ಅಕುವ)
20/12/2013
No comments:
Post a Comment