ಉದ್ದ ಹಾದಿಯಲಿ ನಡೆದು
ಸಣ್ಣನೆ ಇಕ್ಕೆಲದ ತಿರುವಿನಲಿ
ಅಡ್ಡಲಾಗಿ ಬೆಳೆದ ಗೋಲಿ ಮರದ
ಇಳಿದ ಬೀಳಿನಲಿ ನೇತಾಡುವ ಮಕ್ಕಳಿಗೆ ......!
ಬೆತ್ತ ಹಿಡಿವ ಮೇಸ್ಟ್ರು ಬಾರದ ದಿನ
ಇಪ್ಪತ್ತು ಮಗ್ಗಿ ಕೇಳದ
ಒಪ್ಪೊತ್ತು ಶಾಲೆಯ ಗಂಟೆ ಬಾರಿಸುತ
ಬೇಸಗೆ ರಜೆ ಸಾರಿದ ದಿನ............!
ಹೆಚ್ಚೊತ್ತು ಲೈಬ್ರರಿ ಇಲ್ಲದೆ
ಕಾಲೇಜು ಮುಗಿದು ಬಂದನ ಬಿಗಿದು
ಕೆಲಸಕೆ ತಿರು ತಿರುಗಿ ಸೋತು
ಮತ್ತೆ ಆಫೀಸು ಸೇರಿದ ಮೊದಲ ದಿನ ನೆನೆದಾಗ .....!
ಕಾತ್ಯಾಯಿನಿಯ ಕೈ ಹಿಡಿದು ಮಗ ರಾಹುಲನ
ಊರಿನ ಹಾದಿಯಲಿ ಕರೆತರುವಾಗ
ಮತ್ತದೆ ಗೋಲಿಮರ ಬೀಳುಬಿಟ್ಟಿತ್ತು
ಹಿಡಿದೊಮ್ಮೆ ಜೋತು ಬಿದ್ದಾಗ ಬಿಡುಗಡೆ ......!
- ಅಕುವ
No comments:
Post a Comment