ಗುರುವಂದನೆ

ಕಪ್ಪು ಹುಡುಗ

ಕಂಸ ಸಂಹಾರಿ

ಮುಂಬೈ ಲೋಕಲ್

ಲೆಕ್ಕಿಗನ ಗೋಳು

ಓ ಮನ್ನಸ್ಸೇ ! ಮತ್ತು ಮೊದಲ ಪ್ರೇಮ

ರಾಧೆ -ರಾಧೇಯ

                ರಾಧೆ -ರಾಧೇಯ

ರಾಧೆ ನೀನು ವಂಚಿತಳಾದೆ ಪ್ರೇಮಿಯಿಂದ
ರಾಧೇಯ ನೀನು ವಂಚಿತನೇ ನಿನ್ನ ಸಂಬಂಧಿಗಳಿಂದ !

ಕೃಷ್ಣ ನಿನ್ನ ಬಿಟ್ಟು ಬಂದ ಗೋಕುಲದಿ ರಾಧೆ
ಕುಂತಿ ನಿನ್ನ ಬಿಟ್ಟಳು ತೇಲಿ ಗಂಗೆಯೊಳ್ ರಾಧೇಯ !

ಮರಳಿಬರುವ ಭಾಷೆಯ ರಾಧೆ ನೀ ಪಡೆದೆ ಕೃಷ್ಣನಲಿ
ನೀನಿನ್ನು ತಬ್ಬಲಿ ರಾಧೇಯ ನಗುತಿದ್ದೆ ತೊಟ್ಟಿಲಲಿ

ಮರೆಯದಾದೆ ಕೃಷ್ಣನ, ಕಾದು ಕಾದು ಮದುವೆಯಾದೆ
ರಾಧೇಯನ ಕೈಯಲಿ ನೀ ಬೆಳೆದು ಅಂಗದಧಿಪತಿಯಾದೆ

ಕೃಷ್ಣ ಮತ್ತೆ ಬಂದ ಗೋಕುಲಕೆ ನಿನ್ನ ಭೇಟಿಗಲ್ಲ !
ಕುಂತಿ ಮತ್ತೆ ಸಿಕ್ಕಳು ಪಾಂಡವರ ತಾಯಾಗಿ ಕರ್ಣ !

ರಾಧೆ ನೀ ಕಳೆದೆ ಜೀವನವೆಲ್ಲಾ ವೇಣುಲೋಲನ ನೆನಪಲಿ
ದಾನಿಯಾಗಿಬಿಟ್ಟೆ ಮೋಸಹೋಗಿಬಿಟ್ಟೆ ಕರ್ಣ ನಿನ್ನವರಿಂದ !

ಮರೆಯಾದೆ ರಾಧೆ...ಯಾರೂ ನಿನ್ನ ಅರಿಯಲಿಲ್ಲ
ಕೊನೆಯಾದೆ ಪೌರುಷದಿ ರಾಧೇಯ ನೀ ಉಳಿಯಲಿಲ್ಲ !

--ಅಕುವ
25/12/2010